O palacete foi construído no ano 1880 e nel viviron as irmás Mendoza, de quen toma o nome. Actualmente ofrece servizos de información turística e nel pódese vivir unha experiencia virtual, visitar unha exposición temporal ou afondar máis na vida destas irmás.

A técnica de turismo Marién Padín preséntanos todos os recunchos de Cambados que se deben coñecer: a torre de San Sadurniño, as ruínas da igrexa de Santa Mariña Dozo e as vistas desde o alto do monte da Pastora.